Herrirako kideen arabera, "garai garrantzitsuak bizitzen ari gara Euskal Herrian". Eta azken hiru hilabeteetan zehar euskal preso politikoen kolektiboak egindako adierazpenak horren adierazle direla gaineratu dute.
Hamabost euskal preso politikok Euskal Herriratzeko eskaera egingo dute aste honetan. Hori dela eta, preso eta iheslarien aldeko taldeak, dispertsioarekin amaitzeko eta euskal preso eta iheslarien etxeratzea eskatzeko, herriko plazara irteteko eskaera zabaldu die herritarrei.