Bergarako gaztetxea, Debagoieneko etorkizuneko bertsolarien lekuko izan zen atzo gauean. Ernaik antolatutako jaialdian, gogotik aritu ziren zazpi bertsolariak euskara, sexu askatasuna edo emakumeen egoeraren bueltan eta ikusleek ondo erantzun zuten. Ohikoena ez den arren, gai jartzaileak ere merezitako protagonismoa izan zuen.
Rock kontzertuetan ohikoa den bezala, berandu hasi zen emanaldia; hala ere, ikusle eta bertsolariek gustura zeuden ziegatara sartzeko prest. Eszenara, Debagoieneko zazpi bertsolari gazte igo ziren; Aitzol Iturbe antzuolarra, Maider Arregi oñatiarra, Ane Zuazubizkar arrasatearra, Xabi Igoa eta Paula Amilburu aramaioarrak eta Garikoitz Lopez de Munian, egubakoitzean gai jartzaileak esan bezala "gaur bergarar moduan".
Bertso saioak, momentu serioak izan zituen arren, bortxaketa zein euskararen egoerari bertsoak egiten; umoreak izan zen nagusi eta bertsolariek argi utzi zuten moduan, Debagoienak bertsolaritza kontutan etorkizuna izaten jarraituko du urte askoz.
