Bihar bertso afaria egingo dute Txuringo tabernan

Urteroko ohiturari eutsiz, bihar Santu Martirixen eguna dela-eta Osintxun bertso afaria izango da, auzoko herri batzarrak antolatuta.

Aste bukaeran Aratusteak ospatuko direnez, eta urteroko afari horri umore puntu bat jartzeko, mozorrotuta joateko dei egin du Jon Olivares auzo-alkateak.

Bertsolari ezagunak

Aurten, Igor Sarriegi eta Jon Maia bertsolariak egongo dira, bertso afarira joaten diren guztiekin batera gau ederra pasatzeko. Afaria 21:00etan izango da eta txartelak Txuringo eta Euskalduna tabernetan daude salgai. 23 eurotan langileentzat eta 20 eurotan ikasle eta langabeentzat.

Mozorroez gain, aurtengo afariak beste berritasun bat izango du: berezitasun moduan, herritarrek gaiak proposatzeko aukera izango dute. Horretarako, Txuringo tabernan kutxa bat jarri dute, nahi duenak afarirako gaiak proposa ditzan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.