Kasu horretan, baina, paretak margotu beharrean, herriko artistek euren obrak eroango dituzte aukeratutako komertzioetara.
Artea, guztion eskura
"Egiten dugun lana jendeari erakusteko modu bat da", aipatu du artistetako batek. Beste herri eta hiriburu batzuetan egiten den ekimen horren bidez, artearen demokratizazio bat gertatzen dela dio artistak berak: "Jendea ez bada arte galeria eta aretoetara joaten, guk gerturatuko diogu gure artea".
Zazpi artistak erakutsiko dituzte euren lanak. Dixulan tabernan Jesus Mari Zabaletaren margoak egongo dira. Nahikarin Roberto Gabilondok erakutsiko ditu bere lanak. Hamaika tabernan Manu Montielen argazkiak egongo dira ikusgai. Pol-Poleko paretak Juajo Altunaren margoek beteko dituzte eta Raizabal gozotegian, aldiz, Aintzane Codenen, June Martinen eta Markel Martinezen lanak egongo dira.