Katxalin elkarteak Debagoieneko hainbat herritan berbaldiak eskainiko ditu, tartean Bergaran. Hilaren 27an izango da, Irizar jauregian, 18:00etan hasita.
Hala, Bularreko minbiziaren antzemate goiztiarra izeneko hitzaldia hiru medikuren eskutik jarraitu ahal izango dute bertaratzen direnek: Arrate Plazaola, Lourdes Aritziturri eta Maria Jesus Mitxelena.
Bularreko eta ginekologiako minbiziak eragindako emakumeen elkartea da Katxalin. Bertako bazkide den Maite Valle bergararrak hitzaldiaren garrantzia azpimarratu du: "Jendeari gogoratu behar zaio norbera zaintzea oso garrantzitsua dela eta sentsibilizazioa funtsezkoa da".
