Sare sozialen bitartez gazteek dituzten harremanen arriskuaz kezkaturik daude ikastola komunitate osoan. Hori dela eta, Maite Goñik eta Nerea Mendizabalek hitzaldi bana egingo dute Mariaren Lagundian, otsailaren 27an eta martxoaren 6an, hurrenez hurren. Hitzaldiak irekiak izango dira.
Maite Goñi Mondragon Unibertsitateko eta Ordiziako Jakintza Ikastolako irakaslea da, eta IKTetan (Informazioa eta Komunikazio Teknologiak) aditua. Otsailaren 27an, eguena, Mariaren Lagundian izango da Gazteak eta IKTak aukerak eta arriskuak hitzaldiarekin, 18:00etan.
Nerea Mendizabalek harremanen arteko komunikazioa lantzen du, eta haur, guraso eta hezitzaileekin lanean egon da. Haren helburua edozein erlazio motatan asetzen gaituen komunikazioa bultzatzea da. Martxoaren 6an, eguena, Nola lagundu seme-alabei beraien harremanetan hitzaldia egingo du 18:30ean Mariaren Lagundian.
