Beñat Iturriotz hernaniarra pozik joan zen Joxean's Hileben pelikulak Bergarako gaztetxean izandako harrerarekin. Soinu arazo batzuk izan arren egileak dio publikoak oso ondo ulertu zituela lanak egiten dituen erreferentzia historikoak eta politikoak. "Jendeak barre egin zuen eta nabari zen gertukoak zituztela erreferentzia historikoak eta politikoak", adierazi du. "Esango nuke orain arteko proiekzio onenetarikoa izan dela".
Gore ukituak dituen eta genero ezberdin asko nahasten dituen akziozko pelikula da Joxean's Hileben. Zumalakarregi zonbia du protagonista. Egileek Euskal Herri osoan erakutsi nahi dute. Euskaraz egindako lana da baina ingeleseko, frantseseko eta gaztelaniazko azpitituluekin prestatu dute.