Gaztetxoentzako ur jolasak antolatu dituzte Agorrosinen otsailaren 16rako

11:00etan hasi eta 13:00ak arte, hainbat jarduera egin ahal izango dira. Igerileku txikia 8 urtetik beherakoentzat gaitua egongo da, eta 8 urtetik gorakoak, berriz, igerileku handian ibiliko dira.

Igerileku handian jarriko diren puzgarrietako jolasak eta materialak dinamizatzeko begirale bat egongo da, eta beste bat igerileku txikia kudeatzeko. Azken horretan, umeek gurasoekin batera egon beharko dute. Jolas horietan parte hartzeko, kirol zerbitzuetako abonatua izan beharko da. Abonatuak ez direnek, berriz, sarrera ordaindu beharko dute: 6,5 euro helduek, eta 3,5 euro umeek.

Bestalde, "kiroldegiko zerbitzua etengabean hobetzeko helburuarekin", asebetetze inkestak betetzeko gonbidapena bultzatzen du Udalak. Inkestak Kiroldegiko harreran daude, euskararen erabileraren inguruko inkestarekin batera. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.