Erretiratuei zuzendutako informatika ikastaroa

Bergarako Gizarte Etxean erretiratuentzako informatika ikastaroa eskainiko dute otsailaren 17an hasita eta informatikako oinarrizko gaiak landuko dituzte. Dagoeneko eman daiteke izena.

Hastapen ikastaroa izango da, eta helburu argi bat dauka: alor horretan oinarrizko ezagutza eta erabilera sustatzea hirugarren adineko pertsonen artean, hain zuzen ere.

"Tresna informatikoak erabiltzen jakitea oso erabilgarria izan daiteke adin tarte guztientzat. Ordenagailuak, Internet eta sarera konektatutako aparailuak eguneroko bizitzan oso baliagarriak dira". Hala eman dute aditzera antolatzaileek.

Astean hirutan

Astean hiru egunetan elkartuko dira informatikako oinarrizko gauzak ikasteko. Hain zuzen ere, astelehenetan, martitzenetan eta eguenetan izango dira eskolak, 11:00etatik 13:00etara.

Dagoeneko eman daiteke izena ikastaroan. Horretarako, interesatuek gizarte etxera jo dezakete, edo 943 76 21 40 zenbakira deitu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.