Lander Otaola eta Galder Perez dira oholtzara igo ziren aktoreak, eta horiek dira, era berean, antzeztutako lanean zituzten izenak ere; izan ere, gidoian jasotako gertakari guztiak egiazkoak ez diren arren, kontakizun biografikotzat defini genezake neurri baten, Glu Gluren honako lana, bataren zein bestearen bizipenak islatzen ditu-eta.
Berbekin eta dantzekin
Aktoreek esanak dira lanaren oinarri baina badira une musikalak ere, esandakoak indartzeko. Camelaren Cuando zarpa el el amor kantua dantzatzen dutenean da antzezlaneko puntetako bat, publikoaren barre handienak eragin zituena. Horrez gainera, tango bat ere dantzatu zuten.
Apenas zuten apainketarik taularen gainean. Bacstage-a irudikatuz hainbat objektu: kaxa beltz bat, bi aulki, maleta bat, eta pertxero bat arropekin. Erabili egiten dute azkeneko hori, soinean daukatena erantsi eta pertxeroko bata bana janzteko.
- Kronika zabala biharko Asteleheneko Goiena Paperean irakurgai
