22. edizioa du aurten Amodiozko Gutunen Lehiaketak. Lehiaketa aitzindaria da. Sortu zenetik arrakasta haundikoa. Aurten ere parte hartzea txukuna izan da. Guztira 65 lan; horietatik 43 emakumezkoek idatziak eta 22 gizonezkoenak. Bergaratik 5 gutun jaso dituzte. 11 Debagoienatik eta gainontzekoak Bizkaiatik eta Arabatik.
Bergarako kultur etxean batu zen atzo epaimahaia. Aurre lan bat eginda eta gutun onenak aukeratuta, sarituen izenak erabaki zituen. Miren Narbaiza musikariak, Manex Agirre bertsolariak, Yon Suinaga bergarako idazleak eta iazko irabazle Iratxe Esnaolak osatutako epaimahaiak, lehenengo eta bigarren sariak, Bergarar onenenarena, eta 26 urtetik beherakoei emandako lehenengo saria erabaki zituzten. Sari ematea, berriz, otsailaren 14an, San balentin egunean egingo da Bergarako Kultur etxean, arratsaldeko 19:00retan.
