Superprodukzioak eta zine konprometitua zineklubean

Cannesko Zinemaldian estreinatu zen El gran gatsby filma eskainiko dute etziko zineklubean. 20:00etatik aurrera, 20ko hamarkadako New Yorkeko aberatsenen bizimodua barrutik ezagutzeko aukera emango du filmak. Francis Scott Fitzgerald idazle ezagunaren eleberrian oinarritutako remake horrek askotariko kritikak jaso dituen arren, entretenigarria da oso.

Moulin Rouge film arrakastatsuaren Baz Luhrmann zuzendariak egindako film luzea da eta, bere film guztiekin gertatzen den moduan, hura ere pantaila handian hobeto ematen duen lan horietako bat da. Kolorea, dekoratuak, dirua... eta guztiaren gainetik, amodioa. Oscarretarako izendapena lortu duen Leonardo Di Caprio ikusteko ere balio du filmak.

Zine konprometitua

Datorren asteko filma  La lluita a la motxilla/Borroka bizkarrean dokumentala izango da. 60 minutuan zehar, hiru emakumeren istorioa itxaropentsua kontatzen da. Guztia eduki arren, ezer ez zeukatenekin elkartu, eta ordutik, elkartasuna euren bizimodu bilakatu zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.