Eguerdiko ordu bata pasa eta gutxira jaso zuten abisua Ertzaintzan: San Juan auzoko industria poligonoko enpresa bateko gerentearen deia jaso zuten, bere lantokiko leiho bat behartuta zegoela eta barruan zaratak entzun zituela esanez. Ertzaintzatik igorritako prentsa oharrak dioenez, handik gutxira, bi emakumezkok eta gizonezko batek instalakuntzetatik irten eta alde egin zuten Renault Laguna batean, nahiz eta enpresako jabea bidea ixten saiatu zen. Segidan, pabiloia ikuskatu eta materialez betetako bi zaku aurkitu zituen eramateko prest.
14:00ak jotzeko minutu batzuen faltan, ertzainek ustezko lapurren autoa geldiarazi zuen GI-632 errepidean, Bergaran, eta bertan zihoazen hiru lagunak atxilotu zituzten. Auto barruan, palanka eta zizaila bana aurkitu zituzten, beste erreminta batzuen artean.
Delitu-historia zabala
Atxilotutako emakumeek 33 eta 46 urte dituzte, eta gizonezkoak 36; 12, 41 eta 22 bider atxilotu dituzte, hurrenez hurren. Epailearen esku geratu dira hirurak.