Egueneko hitzaldia irailetik hona i Proiektua-ren barruan ikastolak antolatutako zikloaren hirugarren saioa izango da. Hirugarren hitzaldia ziklo baten parte izan arren, Mariaren Lagunditik zehaztu dutenez, aurreko hitzaldietara joan ez direnentzat ere mintzaldi interesgarria izango da.
Espiritualtasunean aditua
Josean Manzanos izango da hizlaria eta gaia, berriz, La interioridad como proyecto educativo docente. Manzanos espiritualtasun edo barnetasun gaietan aditua dugu. Vera-Cruz ikastetxean garatzen diharduten Zugan Barnetasun proiektuaren arduraduna ere bada.
Aipatutako hitzaldia ikastolan bertan izango da arratsaldeko seietatik aurrera. Hitzaldia gazteleraz izango da eta, hain zuzen ere, nahi duen guztiarentzat da.
