Beartek urteko lanak erakutsiko ditu Aroztegin, gaurtik aurrera

Urtaroak hala agintzen duelako uzta txikia batzen da hil honetan. Beart elkartekoek, baina, urteko uzta artistikoa erakutsiko dute Aroztegin gaurtik hilaren 26 arte.

Erakusketa klasiko horrek azken 365 egunetan kideek emandako aurrerapausoak erakusteko balio izaten du. "Jendeak asko baloratzen du mostra hau eta urtetik urtera hoberantz egiten dugula antzematen da", aipatu du Juanjo Altunak, Bearteko presidenteak.

Aretoko ohiko ordutegian, teknika eta gai askotariko Bergarako artistek sortutako 40 lan erakutsiko dituzte.

Eibarren lehenengo

Elkarteak Eibarrekin lortutako akordio bati esker, urteko uzta otsailaren 2a arte Eibarren ere erakusten ari dira. "Eibarko lokala handiagoa denez, bertara 80 artelan eroan ditugu", dio Altunak.
Dudarik gabe, herriko mostra kanpoan egin dezaketenak baino garrantzitsuagoa edo bereziagoa da. Espazioa txikiagoa edo handiagoa izan, herriko artisten benetako muga bakarra haien irudimena da

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.