Plazetako euskal dantzen ikastaroa Bergaran

Urtarriletik ekainera bitarteko asteazken denetan plazetako euskal dantzen inguruko ikastaroa egingo dute Bergaran. Urtarrilaren 8an hasiko dira ikastaroekin. Ordutegia 19:30etatik 21:00etara izango da. Irakasle lanetan, Abarka elkarteko Juantxo eta Janire Urbieta eta Jon Arrillaga ibiliko dira. Prezioari dagokionez, jarduneko bazkideak 15 euro hilean ordaindu beharko dute eta gainontzekoek 17 euro. Izena emateko, 943763661 telefonoan edo jardunkultura@topagunea.com helbidean.