"Kasko Historikoan zehar egiten den bisitak segitzen du arrakastatsua izaten, bai eta azaroko ekimen sortak ere. Era berean, aurten San Pedro berritua ikusteko aukera paregabea izan dugu. Horrekin batera, autokarabana gunea moldatu eta Bergara Pass sortu dugu. Gainera, Imsersoko bidaiek Bergara guztiz txertatu dugu euren ibilbidean", azaldu du David Zapirain Turismo saileko teknikariak.
7.400 bisitari baino gehiago
Horrekin guztiarekin, 7.400 bisitaritik gora izan dira aurten herrian. Eta horren harira honakoa gehitu du Zapirainek:"Turismoak aisialdia ez ezik –Bergaran kalitatezko aisialdia gainera–, tokiko ekonomia bultzatzeko balio behar duela pentsatzen dugu. 7.400 lagun horiek izan dute gure herria eta jendea ezagutzeko aukera. Trukean eta esker onez, Bergaran kontsumitzea erabakiko zuten".