Hilaren 24ra arte egongo dira han. Izan ere, egun horretan etxola utzi eta kalerik kale ibiliko dira herrian barrena. Hain zuzen, hirugarren urtez, San Martin Herri Eskola, Aranzadi Ikastola eta Mariaren Lagundia Ikastolako guraso elkarteek eta Udalak antolatuta hiru ikastetxeotako neska-mutikoekin batera kantuan ibiliko dira. 11:30ean abiatuko dira Fraiskozuri plazatik eta San Martin plazan amaituko dute kalejira, eta nola ez, han hitz batzuk egingo dizkiete Olentzerok eta Mari Domingik neska-mutikoei.
Eguerdian atseldenaldia egin eta gero, arratsaldean kantu kalejira egingo dute berriz, herriko abesbatzek lagunduta. 19:00etan irtengo dira Udal biltegitik eta herrian barrena kantuan ibili eta gero, udaletxeko balkoira igoko dira eta berriz zuzenduko zaizkie plazan batutako neska-mutiko eta guraso guztiei. Horren ondoren, Udalak atarian eurendako egokitutako txokoan umeen gutunak batuko dituzte eta baita musuak eman ere.