Zabalotegi aretoa bere egin zuen Imazek, Shakespeare handiaren Hamlet obrako esaldi famatuan oinarrituta, Sex o no sex lanari bizitza emanez.
Pozik estreinaldiaz
"Lagunen aurrean-eta aurrestreinaldiak egin nituenez, obra nahiko landuta eraman nuen Zabalotegira. Gustura asko aritu nintzen, eta ohartu nintzen, gainera, oraindik ere badaukagula sexuari buruz berba egiteko gogoa. Albiste bikaina da!". Eta gainera, Zabalotegira bertaratutakoen barreek ere erakutsi zuten aktoreak ez ezik, ikus-entzuleek ere gozatu zutela emanaldiarekin.
Oihulari Klown taldearen azken lanak lotsa barik egiten du berba bizitzaz, heriotzaz, sexuaz zein menopausiaz. Den-dena taldearen ikur garrantzitsua den umorea baliatuz. Eta gainera, Pauxaren naturaltasunaren bidez publikoaren konplizitatea lortzea erdietsi zuten egubakoitz iluntzeko emanaldian.
