'Jon Martir' eta 'Aupa Miren Etxebeste': "Auzoetako eta beste herri batzuetako lekukoek egingo dute berba toberan"

Zuriñe Velez de Mendizabal 2013ko abe. 14a, 12:53
Fiskala eta abokatua, epaiketarako prest.
Abenduaren 28an Bergara epaituko dute Debagoieneko hirugarren toberan, eta bertako fiskalarekin eta abokatuarekin egin dugu berba.

Zer da Bergarari epaiketan leporatzen diozuna?

Jon Martir, fiskala: Bergarako herriari azalkeria leporatzen diogu: handinahikeria; teatreroak izatea; itxurakeria; izan denari baino, ematen denari garrantzi handiagoa ematea.

Eta akusazioaren aurrean, zein izango da defentsaren ardatza?

Aupa Miren Etxebeste, abokatua: Bergarakook eleganteak izateak ez duela beste zenbait konturekin zerikusirik: handinahikeriarekin, inguruko herriak eta auzoak gutxiestearekin… Bergara oso herri garrantzitsua izan da beti, pertsonaia garrantzitsuak eman ditu, eta harro gaude, baina, betiere, umiltasunetik.

Nolako lekukoak eramango dituzue epaiketara?

J.M.: Akusazioaren aldetik, zenbait auzo dira lekuko nagusiak. Baina ez dira bakarrik egongo; Bergararekin harreman zuzena edo zeharkakoa duten beste zenbait herritako lekukoak ere aurkeztuko ditugu.

A.M.E.: Bergara modu oso desberdinetara bizi izan dutenak.Herritar xumeak, esfortzuaz eta lan eginda bizimodua aurrera atera ahal izan dutenak;  Bergara lau haizetara munduan zehar zabaldutakoak; pertsonaia ilustratua eta, gainera, emakumea; egungo Bergara ondo ezagutu dutenak….

Aurreko toberak jarraitu dituzue akusazio zein defentsa prestatzeko orduan?

A.M.E.:  Bai. Bietan abokatuek lan paregabea egin zuten, eta nik hauen erdia emanez gero harro sentituko naiz nire herria defendatzen. Baina ez da lan makala izango aurretik edukiko dudana...

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak