Astelehenetik aurrera, Udaltzaingoan jaso ahal izango dira 2014ko egutegiak

Aste honetan amaitu da Bergarako Udaleko 2014ko egutegiaren kaleko banaketa. Egutegiak atari barruan utzi izan dira pilatxo batean, buzoietan sartzeko doblatu beharra zutelako.

 Etxebizitza bakoitzerako bana utzi dira baina gertatuko zen zenbait kasutan etxebizitzaren batek bat baino gehiago hartu eta beste batzuk gabe geratzea. Hala, beraz, gabe geratu direnek edo ale gehiago nahi dituztenek Udaltzaingoan jaso ahal izango dituzte abenduaren 16tik aurrera. Baserri-auzoetako banaketa auzo-alkateek egingo dute datozen egunetan. Auzo-alkaterik ez duten auzoetako bizilagunek, berriz, Udaltzaingora jo beharko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.