Aurkeztutako ideia eta proiektuek bi balorazio mota izango dute: Alde batetik, Udal ordezkariekin osatutako epaimahai batek egindakoa eta balorazio orokorraren %50 balioko du. Balorazio hori dagoeneko eginda dago, baina isilpean mantenduko da herritarren bozketa bukatu arte. Bestetik, herritarrek egindakoa: balorazio orokorraren %50 izango da. Balorazioak erabat anonimoak dira.
Esan bezala, epaimahaiak dagoeneko balorazioa egina dauka eta orain herritarren txanda da. Hain zuzen, herritarrek proiektu eta ideiak eta atzotik hilaren 17ra bitartean baloratu ahal izango dituzte. Horretarako bi modu egongo dira eta herritar bakoitzak boto bakarra eman ahal izango du: alde batetik, Udalaren webgunearen bitartez (www.bergara.net) bozkatu ahal izango du ideia eta proiektuak bertan ikusita, eta Udal ordezkarien esanetan horixe da modurik erosoena. Bestetik, osoko bilkuren aretoan ere ikusi ahal izango dira 10:00etatik aurrera lanaak han egokitu duten erakusketatxoan eta botua bertan eman. Han bozkatzeko paperezko formularioa egongo da, beteta udaltzaingoan eman beharko dena.
Saria bozkatzen dutenendako
Bozka ematen duten herritarren artean sariak zozketatuko dira; hiru sari, hain zuzen ere: herriko denden artean gastatu ahal izateko 150 euroko bonoa; herriko jatetxe batean gastatu ahal izateko 100 euroko bonoa; eta Agorrosin Ekintza Gunerako urte osoko bonoa.
Ideia Zaparrada lehiaketako irabazleak sari banaketa ekitaldian emango dira jakitera. Sari banaketa ekitaldia abenduaren 23an izango da, 19:00etan osoko bilkuren aretoan.