Irizar jauregian, Bergara
'Hesiak gainditzen' dokumentala, batik bat, gurasoei zuzenduta dago. Euskarara hurbiltzeko ahalegina egin zutenei eta egiten ari direnei esker ona adierazteko egindako dokumentala da. Aurkezpen lanetan, Eneko Barberena eta Aizpea Otxandiano Txatxilipurdiko kideak arituko dira.
Dokumentala, apirilaren 17an (asteazkena), arratsaldeko 19:00etan Bergarako Irizar jauregian izango da.
Beste herri batzuetan ere eman da dokumental hau eta arrakasta handia izan du, hori dela eta zuen interesekoa izan daitekeelakoan Jardunek hitzaldira joateko gonbitea luzatzen dizue.
Dokumentalaren asmoa, hizkuntzaren transmisioaren garrantzia azpimarratzeaz gain euskarara hurbiltzeko eta euskara ikasteko ahalegina egin zutenei eta egiten ari direnei esker ona adieraztea da. Gidoia Arteman Komunikazioa enpresarekin eta Jon Maiarekin batera garatu du Txatxilipurdi elkarteak, Arrasateko Udalaren laguntzarekin.