Hitzaldia: "Hiperaktibitatea eta arreta gabezia"

Gero eta gehiago dira hiperaktibitatearekin ala barik arreta gabezia nahastea pairatzen duten haurrak eta zaila egiten zaigu trataera egokia ematea. Horregatik, ADAHIgi (Asociación de Deficit de Atención con Hiperactividad de Guipúzcoa) erakundearekin jarri gara harremanetan eta irakasleei, alde batetik, eta gurasoei, bestetik, nahaste hau zer den, nola tratatu… laguntza eta aholku ematea eskatu diegu. Izan ere, askotan umea mugitua dela, bihurria dela uste dugu eta ez dugu antzematen atzetik beste arazo batzuk daudela. ADAHIgik nahaste hau detektatzen lagunduko digu.