Tabernak erakusleku bihurtuko dira hilabete honetan

Tabernak askotariko leku izan daitezke eta denbora pasatzeaz gain, norberak bere intereseko gune bihur ditzake. Aste hauetan, adibidez, arte erakusleku bihurtuko dira, izan ere, hainbat artisten obrak ikusgai egongo dira herriko taberna batzuetan.

Edurne Erañak, adibidez, formatu txikiko sei koadro erakutsiko ditu Dixula tabernan. Horiekin batera, metro koadro bat inguruko azalera duen lana ere jarri du. Paisaia ezberdinak erakusten dituzte Erañaren lanek eta abendu guztian gozatu ahal izango da aurrez-aurre bizi gabeko eremu horietaz.

Horiekin nahikoa ez duenak Hamaika tabernatik egin dezake osteratxoa, gai bera landu baitu Marilu Unzurrunzagak zazpi koadrotan. Hauek ere hilabete bukaera arte egongo dira tabernan.

Raizabal gozotegian asteburu honetan jarri dituzte Aintzane Conde, June Martin eta Markel Martinen bederatzi lan. Urtarrila amaierara arte egongo dira hiruen koadroak Raizabalen.

Argazki taldearen lanak

Juan Gonzalezek Pol-Pol tabernan ditu bere lanak ikusgai. Eta, amaitzeko, Bergarako argazki taldeak ere bere lanak herritarren esku jarri ditu Nahikari tabernan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.