Antzezlanaren izenburua bera da froga, “hitzen balioa” berbetatik jota gauzatutako deformazioa, eta hain zuzen, hitzen izate eraldatzailearekin egiten da jolas Begiradak taldearen antzezlanean.
Hiru antzezle –Esti Curiel, Leire Ugarte eta Hosdei Untzueta – eta eszenatokia ia hutsik, marko baten osteko besaulki bat eta koadro zuri bat eskegita duen eskailera salbu. Elementu horiek eta ikusleek, sarreran antzezleek eurek emandako oihal zati bat eskuan, horiexek tresna guztiak, antzezlana hitzez baitago josia ia osorik, ez beste ezerrez. Zapia da, hain zuzen, une baten begiak estali eta hitzak bakarrik entzuteko.
Hitzen balioari buruzko gomuta eskatu zieten Andoni Egaña, Maialen Lujanbio, Uxue Alberdi eta Ainhoa Agirreazaldegi bertsolariei eta, ezin bestela, berben, zentzuen eta pentsakizunen dantza saioa da 'Balitzen hioa'. Atzo antzeztu zuten Zabalotegin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak