Hanka Labankako hiru kidek podiuma egin zuten Basauriko lasterketan

Indoor lasterketa izan zen zapatuan Basaurin, 80 metroko zirkuitu batean birak ematea, eta master, senior eta gazte kategoriek parte hartu zuten.

Hanka Labankako bost kidek parte hartu zuten proban: Bergaratik Jose Luis Gallastegik (master 50) eta Jon Ander Egañak (master 40) eta Aramaiotik Ainhoa Oiangurenek eta Oihan Bideburuk (gazte kategorian) eta Agustin Oiangurenek (master 40).

Podiumera igo ziren horietatik hiru: Jose Luis 3. izan zen master 50ko kategorian; Oihan gazte kategoriako lehena izan zen;  eta Ainhoa, gazte kategoriako bigarrena.

Azkenik, patin taldeak ere sailkatu zituzten eta Hanka Labanka taldea laugarren sailkatu zen Euskadi ligako txapelketan. Liga  sei probatan egin da, horien artean, Gasteizko Euskadiko txapelketa (10 km 400 metroko zirkuituan), Martin Fiz maratoia (42 km), Derioko proba (10 km), Donostia-Behobia (20 km) eta Basauriko indoor lasterketa.

Taldeen sailkapena, Euskadiko master kategorian 2013 azken proba eta gero, hau izan da:

1.       Donostiroller
2.       Basroller
3.       Marianista Gasteiz
4.       Hanka Labanka
5.       Roller Bilbao
6.       Elurra K.E.
7.       Bera-bera
8.       Club deportivo aurrera de Vitoria