Goizean Mokolo Azoka ospatu zuten Munibe plazan. Bertan, herriko artisauen produktuak ikusi,erosi eta probatzeko aukera izan zuten bertaratutakoek. Denetarik zegoen bertan, erropak, belarritakoak, pastelak...
San Martin plazan, aldi berean, Beart elkarteko neska-mutilek mural bat margotu zuten, Mokolo Eguna ospatzeko asmoz.
Eguradian, poteoaren ostean, bazkaria ospatu zuten Seminarioko karpan. Bertan, entsalada eta paella jan zuten animoso bertaratutakoek. Arratsaldean, Elektrotxarangarekin kalejira egin eta gorputza berotzeari ekin zioten. Egun eta asteari amaiera borobila emateko, kontzertu bikainaz disfrutatu zuten herritarrek Emon eta Skasti taldeekin.