Gazteak eta musika oinarri izango du, beraz, biharko flashmoob-ak. "Aurten Kantarin parte hartzen diharduten 120 neska-mutilei egin zaie dei bertan parte hartu dezaten, baina gainera, ikastetxeen bidez 8 eta 12 urte bitarteko gaztetxo guztiak gonbidatu ditugu flashboob-a egiten lagun dezaten, nahiz eta Kantarin agertu ez". Hala eman du aditzera Amaia Txintxurreta saioaren gidariak.
Hiru kanturen koreografiak egingo dituzte: Kantari, Euskaraz bizi nahi dut eta Udarako gau luzeak. Guztiak, http://blogak.goiena.net/kantari/ helbidean aurkituko ahal dira.
Eta flashmoob erraldoiaren ostean, Amaia Txintxurretarekin berarekin DJ festa egingo da. "Euskarazko kantuak ipiniko ditugu eta jendeak ere eskatu ahal izango ditu abestiak".
Egitarau osoa
Dena dela, zapatukoa Euskaren Egunari sarrera egingo dion aurreneko ekimena izango da, beste ekitaldi batzuk ere antolatu baitituzte:
Azaroak 29
- 19:00 Kantu jira, San Martin plazatik irtenda.
- 22:00 Napoka Iria taldearen kontzertua, Zabalotegi aretoan. Sarrera zortzi euro
Abenduak 3: Euskararen eguna
- 19:30 Kirola euskaraz ekitaldia, Agorrosinen.
Sarrera: Kirolaren garrantzia euskararen ikuspegitik eta kirola euskaratzeko proiektuen barri ematea.
Tertulia. Partaideak:
Markel Irizar, Trek taldeko txirrindularia.
Jagoba Arrasate, Realeko entrenatzailea.
Igor Arenaza, UDAko Kirol zuzendaria eta Eskua proiektuaren bultzatzailea.
Eskertze-ekitaldia, kirol entrenamenduak euskalduntzeko egitasmoan parte hartzen duten taldeei.
Abenduak 4
- 20:00 81 amama zine-emanaldia, Zabalotegi aretoan. Sarrera hiru euro.
Abenduak 6
- 19:00 Balitzen hioa antzezlana, Zabalotegi aretoan. Sarrera zortzi euro.
Astean zehar Agorrosingo ikastaroetako musika euskarazkoa izango da.