Gaur gauean Napoka Iriaren doinuek hartuko dute Zabalotegi

Napoka Iria taldeak Arnasten ikasteko berriz disko berria kaleratu du, eta egunotan Euskal Herriko txoko ezberdinetan berau aurkezten ari da. Bira horren barruan, gaur 22:00etan Zabalotegi aretoan izango dira. Eibarko taldeaz gozatu nahi dutenek zortzi euro ordaindu beharko dituzte.

Taldeak aurreko diskoko oinarri bera dauka, haiek dira, dudarik gabe, baina haien izaeraren zantzurik galdu gabe, pauso bat harago joan dira. Ahotsak eta melodiak konplexuagoak dira. Interbalo txikiagotan dabiltza melodiak; moldaketak atmosferikogoak dira eta, oro har, bikotea indie-folk soinurantz gerturatzen hasia  dela nabari da.
Kontzeptu aldetik ere eboluzioa dago. Diskoa zortzi kantuk osatzen dute, eta 30 minutu ingurukoa da; motza, baina bortitza da.

Azken lan honetan, Narbaiza eta Muxika jatorrizko taldekideen gitarrez gain, instrumentu gehiago erabili dituzte. Felix Buff, Ibai Gogortza eta Iban Urizar elgoibartarra izan dira, besteak beste, joste lan horretako arduradunak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.