Margaret Bullen, Mertxe Tranche eta Xabier Kerexetak emango dute hitzaldia Bergaran urtarrilak 15ean, 19:00etan. Tokia oraindik ere zehazteke dago. Saio bakoitzak begirada bat eskainiko nahi dio gure herriko historiari, tradizioen eratzeko moduari buruzko hausnarketa denon artean egiteko. Halaber, kritika egiteko gure eguneroko bizitza nahiz gure jaiak antolatzen dituzten ohitura, erritual eta jai esparruetan gainditzen diren menderatze ereduei.
Hala azaldu dute gaur goizean Garazi Lopez de Etxezarreta, Gipuzkoako Foru Aldundiko Kultura zuzendariak; Santi Eraso, Bake Itunaren arduradunak eta Mertxe Tranche ikertzaileak.Lopez de Etxezarretak esan duenez, "testuinguru horien barruan sortzen diren gatazkek agerian uzten dute boterea lor dezaketen taldeak aukeratzen dituzten hegemoniak daudela".
Mintegi honekin bilatu nahi dena da zergatik emakumeak gobernu praktiketatik kanpo uzten diren beti (eta beste edozein talde ahul), botere menderatzaile horren ordez beste eredu bat sortu ahal izateko.
Jarduera hau "Ekintza eta pentsamendua: indarkeria sexista apurtuz" izenburuko mintegiari lotuta dago, non Beatriz Preciado filosofoaren figura ardatz nagusi izan zen. Bigarren topaketa honek beste eztabaidabide batzuk irekiko dizkigu, gaur egungo egoeratik abiatuta gure iraganari buruzko hausnarketa egiten jarraitzeko eta, horrela, beste bizimodu batzuk eraiki ahal izateko.
Hizlariak
Margaret Bullen, Filologia Hispaniko eta Frantseseko lizentziatua, Gizarte Antropologian doktorea eta EHUko irakaslea eta, halaber, Farapi, Consultoría de Antropología Aplicada aholkularitza enpresaren bazkide fundatzailea.
Mertxe Tranche, Zuzenbidean lizentziatua, ikertzailea, eta emakumeen literaturan aditua. Militante feminista eta BAEko kide izandakoa.
Xabier Kerexeta Erro, Historian lizentziatua, berdintasuneko masterra, eta museo historikoetnografiko desberdinetan kolaboratzaile gisa aritzen dena (Zumalakarregi Museoa, Baionako Euskal Museoa, San Telmo Museoa).