Jardunek, Bergarako Udalak eta Goiena Komunikazio taldeak elkarlanean antolatuta, hainbat ekimen eramango dira aurrerra Euskararen Eguna iritsi bitartean. Kirola Euskaraz da horietariko bat, eta txirrindulariarekin eta Realeko futbol entrenatzailearekin batera, UDAko kirol zuzendari Igor Arenazak ere hartuko du parte.
Kantari flashmooba
Antolatutako beste ekimenetariko bat azaroaren 30ean 18:00etan hasita Udal pilotalekuan egingo den Kantari Flashmooba dago. "Aurten Kantarin parte hartzen diharduten 120 neska-mutilei egin zaie dei bertan parte hartu dezaten, baina gainera, ikastetxeen bidez 8 eta 12 urte bitarteko gaztetxo guztiak gonbidatu ditugu flashbooba egiten lagun dezaten, nahiz eta Kantarin agertu ez".
Kantari, Euskaraz bizi nahi dut eta Udarako gau luzeak abestien koreografiak ikasi beharko dituzte parte hartzaileek. Guztiak, http://blogak.goiena.net/kantari/helbidean aurkituko dituzte.
Horren ostean, Amaia Txintxurretarekin DJ festa egingo da. "Euskarazko kantuak ipiniko ditugu eta jendeak ere eskatu ahal izango ditu abestiak".