'Libre' pintxo-potea izango da gaurkoa

Bergara Libre ekimenak, Bergarako tabernekin elkarlanean antolatu du. Epaiketa politikoak bertan behera uzteko eskatuko dute ekimen honen bidez, eta baita elkartasuna adierazi ere, herriko auziperatuei eta Arrano taberna eta Artatse Elkarteari. Herritarrei ekimenean parte hartzeko dei egiten diete "Bergarako taberna, komertzio eta Libre ekimenari bultzada bat emateko".

Bergara Libre ekimenetik adierazi dutenez "jotzen ari garen ate guztiak irekitzen ari dira herritarrak, tabernak, dendariak, elkarteak. Eta gehitu dute: "Horren erakusgarri da, ekimen honetarako egon garen taberna guztiek, Bergaran ostegunetan pintxo potea egiten duten taberna guztiek, ekimenarekin bat egin dutela. Honek argi uzten du, bergararrek ez dutela ulertzen konponbide garaian epaiketa politikoekin jarraitzea", esan dute.
Hori horrela, "eskerrik beroenak" eman nahi dizkiete herriko tabernei "ekimen hau posible egitearren". Horrekin batera, herritarrak gonbidatzen dituzte "pintxo-potean parte hartuz, Bergarako taberna, komertzio eta Libre ekimenari bultazada bat ematera".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.