Ate irekien jardunaldia 11:00etan hasiko da, eta une horretatik aurrera ibilgailuen erakusketa egongo da seminarioko patioan. Sendagiledun eta lur orotako anbulantzia, egokitutako ibilgailuak, mendiko eta erreskateko unitate eta salbamenduko ontziak erakutsiko dituzte. Haurrendako eskulan eta jolas tailerra ere egongo da.
DYAren lana erakusteko stand bat jarriko dute eta minutu gutxitan bihotzaren eta biriken susperketarako oinarriak irakatsiko dituzte. Beste leku batean DYAko boluntariotzari buruzko informazioa emango dute eta tonbola solidarioa egongo da.
Simulazio eta erakustaldia
Eguerdi eta arratsalde partean egingo dituzte ekintzarik ikusgarrienak, izan ere, 13:00etatik aurrera moto istripu baten simulazioa egingo dute. 17:00etan, berriz, erreskate batean lana nola egiten duten ikusi ahal izango da.