Iaz bezala, aurten ere Udalak, gabonetan herriko kaleetan jarriko diren apaingarriak egiteko tailerrak antolatu ditu umeentzako. Ostiralean, hilak 15, izan zen lehenengoa eta bigarrena hilaren 22an izango da, 17:00etatik 19:30era, Seminarioko karpan.
Lehenengo tailer honetan guraso eta ume dezente bildu ziren eskulanak egiteko. Apaingarriak egiteko material berrerabilgarriak erabili zituzten: CDak, latak, kortxoak, plastikozko ur botila handi eta txikiak eta plastikozko edalontziak, hain justu ere.
Material bilketan herriko ikastetxeek lagunduko dute. Hala ere, tailerretara doazen umeek ere eraman ditzakete etxetik material berrerabilgarria tailer egunean bertan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.