Azaroaren 8koa izango da lehen ekitaldia, Benito Canteroren Pasarteak-Fragmentos argazki erakusketaren irekierarekin. Egun horretatik abenduaren 1era arte egongo da ikusgai.
Eta tartean, azaroaren 11n, Mendi Asteko egitaraua abiaraziko da: ikus-entzunezko emanaldiak, hitzaldiak eta irteera antolatu dituzte.
Egitaraua
- Azaroak 11, astelehena: Alex Txikonen Bajo Cero dokumentala –hiru espedizio lagun galdu zituen Gasherbrum I.eko filma– eta The Nomad Sibergeier origins obe and Ashiwa eta Autana dokumentalak. Udaletxeko pleno aretoan, 19:00etan. Sarrera doan.
- Azaroak 12, asteartea: Kilian Jornet mendi lasterkari famatuaren Summits of my life ikus-entzunekoa. Udaletxeko pleno aretoan, 19:00etan. Sarrera doan.
- Azaroak 13, eguaztena: Janariak mendian hitzaldia, Kepa Larrea, Alberto Garai, Silvia Trigueros eta Zigor Iturrietaren eskutik. Mediku azterketa, kirolaren onura, lesio, elikadura eta prestakuntza fisikoari buruz ariko dira. Udaletxeko pleno aretoan, 19:00etan.
- Azaroak 14, eguena: Alfonso Ena bergararraren Groenlandia, Cabo Taney eta Siorapaluk filmak eskainiko dira. Udaletxeko pleno aretoan, 19:00etan. Sarrera doan.
- Azaroak 15, egubakoitza: Euskal Herriko Basoak hitzaldia, Mendia Bizirik taldearen eskutik. Ondoren, Jorge Gonzalez biologoak dokumental bat eskainiko du. Pol-Pol mendi taldearen aretoan, 19:00etan. Sarrera doan.
- Azaroak 17, domeka: Irun-Erlaitz-Irun beteranoen irteera. Urteko azken irteera izango da eta, hori horrela, bazkaria egongo da sagardotegian. Txartelak bulegoan daude salgai, 35 eurotan. Autobusa 08:00etan aterako da frontoitik.
Mendi astean zehar frontoiko bulegoa 18:00etatik 19:00etara egongo da zabalik.
Azoka txikia
Eta azaroko azken astean, 25etik 28ra, bigarren eskuko mendi material azoka egingo da; jada, urteroko bihurtu den hitzordua. Antolakuntzatik dei egin diete herritarrei erabiltzen ez duten mendiko materiala izanez gero etxean, bertara eraman dezaten; eta baita, noski, azoka egunetan, askotariko mendi materiala modu onean eskuratzera hurbildu daitezen ere.
Material bilketa azaroaren 18tik 21era egingo da, Pol-Poleko bulegoan, frontoian, 19:00etatik 20:00etara.
Azoka bera, 25etik 28ra bitartean ospatuko da, 19:00etatik 20:00etara.