Dabid Gartzia durangarra gizonezkoetan eta Aitziber Urkiola eibartarra emakumezkoetan izan dira garaile aurtengo Antxintxika krosean. IX. edizio honetan, iazko irabazleak errepikatu dira: izan ere, 4. urtez irabazi du Antxintxika Triatloi Taldeak antolatzen duen krosa durangarrak. Urkiolarendako bigarren urtea da garaipena lortu duena.
Gaur arratsaldean izan da Antxintxika Triatloi Taldekoek antolatutako Antxintxika krosa, Soraluze eta Bergara artean. 400 parte-hartzaile baino gehiago egon dira eta giro paregabean igaro dute arratsaldea. Hiru modalitatetan lastertu dira: gurpildun aulkikoek handbikean, patinetan eta korrikan. Hala ere korrikalariak gailendu direla azpimarratzekoa da.
Bere iazko denbora baino minutu pasatxo gehiagoan, 33' 53''-ko denboran bilakatu da garaile Gartzia korrikalaria. Parte-hartzaile guztiak oso pozik agertu dira. Urkiolak azaldu duenez "ibilbide oso polita izan da eta ez du euririk egin. Hala ere, momentu batean bero larregi egin du".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
