Jon oso pozik azaldu zen, harrera ona izaten ari baita liburua, idazlearen hitzetan, "irakurri dutenek kritika ona egin didate, kritika konstruktiboak izan dira eta oso pozik nago. Lehenengo ale-kopurua argitaratu dugu eta momentuz ondo doa salmenta". Allende los mares, bergararrak idatzita lehen eleberria da, baina ez da egin duen lan bakarra, urte asko baitaramatza idazten. Ofizioz injinerua bada ere, afizioz, idazlea da eta hainbat komiki tira eta ipuin labur idatzi ditu.
Allende los mares, eleberri historikoa da, XV.mendean kokatzen dena. Historia asko gustatzen ei zaio idazleari eta urte askotako lanaren emaitza da liburua. Urriaren 23an aurkeztu zuen eleberria Donostiako Koldo Mitxelenan.