Hondakinen bilketa sistemarengatik protesta moduan zinegotzi jeltzaleek plenoa utzi zuten

Atzo Bergarako udalak hurrengo urteko tasak onartzeko ohiko plenoa egin zuen, baina protagonista tasak barik EAJ alderdia bilakatu zuen, izan ere, pleno hasieran hondakin bilketari buruzko idatzia irakurri eta aretoa laga zuen zinegotziek.

Plenoa lasaia izatea espero arren ez zen horrelakorik gertatu. Alkatearen jakinarazpenen puntuan Jaione Isazelaia Fagor Etxetresnen inguruan mintzatu zen. Honek bukatu bezain pronto, EAJ alderdiko bozeramaile den Aintzane Oiarbidek hitz egiteko eskaria egin, eta gai beraren inguruan mintzatu zen. Horren ostean, alkateari baimena eskatu eta hondakinen inguruko idatzi bat irakurri zuen. Oiarbidek "atez ateko sistema inposatu izana" salatu zuen, eta gobernu taldeak "oposizioaren parte hartzea ukatu izana" ere aipatu zuen. Alderdi jeltzalearen izenean irakurritako idatziaren ostean, talde osoak oso bilkura utzi zuen.

Isazelaia alkateak Oiarbideren hitzak ukatu zituen. Bere ustez, "oposizioak gainontzeko udaletan baina parte hartzeko aukera gehiago ditu, tokiko batzarretara etor daitezke eta". Alkateak EAJk asken aldian erakutsi duen tentsionamendua ere salatu zuen eta "Bergarak hondakinak ez diren beste arazo batzuk" dituela aipatu zuen.

Tasak onartu ziren

Osoko bilkura berean, eta jeltzaleek pleno aretoa utzi eta gero, hurrengo urteko ordenantza fiskalak onartu ziren.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.