Bergarako Jardun Euskara elkarteak eta Aranzadi ikastolak elkarlanean, Tuterako Argia Ikastolaren inguruan egindako Badira bagara dokumentala aurkeztuko dute Bergarako kultur etxean. Ekitaldia, proiekzioa eta hitzaldia, urriaren 30ean, asteazkena, arratsaldeko 19:00etan izango da. Ekitaldi honetan, proiekzio emanaldiaz gain Tuterako Argia Ikastolako kideak egongo dira, bideoa aurkeztu ondoren Nafarroako erriberan jasaten duten egoeraren inguruan hitz egin ahal izateko.
Erriberako euskararen egoera salatzea helburu duen Badira, Bagara dokumentala Mondragon Unibertsitateko Marta Prol, Itxaso Frau eta Olatz Artolaren ikasleen karrera bukaerako lana izan da. 27 minutuan irakasle, ikasle eta baita amonek ere, hezkuntza talde honen eguneroko lana azaltzen dute eta autoreen iritziz emakumeek paper bereziki garrantzitsu bat bete dute.