Bergarako Musika Eskolako kideek asko disfrutatu dute Donostian Peter Pan musikala egiteaz. Atzo bi emanaldi egin zituzten Kursaalen, eta bereziki gozatu zituzten instalazioak: "Horrelako azpiegiturekin, hain egokiak eta handiak, errazagoa da dena ondo egitea eta gauzak politago irteten dira", esan digu Valen Moñux zuzendariak.
Antzezle txikiak ez ziren batere urduri egon: "Ez, kontrakoa; segurtasun handia daukate. Lanean oso sartuta egoten dira eta edonon antzezteko moduan daude", esan digu Moñuxek.
Umeak, txaloka
Bi emanaldi egin zituzten, eta lehenengoan, batez ere, publiko asko joan zen; tarten zeuden Martin Garitano -Peter Panena egiten duen Aitor Garitanoren osaba- eta Jaione Isazelaia, Bergarako alkatea. Bergarar gehiago ere joan ziren musikala Donostian ikustera. Publikoan zeuden umeen erantzuna azpimarratu du Valen Moñuxek: "Ume asko zeuden, txaloka, Garfio kapitainari gauzak esaten… Oso giro polita sortu zen".
Hurrengo hegaldian, Peter Pan Gasteizko Buesa Arenan izango da, abenduaren 29an, eta gero, Iruñeko Baluarten, urtarrilaren 3an.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
