Donostia Kulturaren eskutik, bi emanaldi egingo dituzte: 16:30etan lehenengoa, eta 19:30etan hurrengoa. Sarrerak 20 eurotan daude salgai, www.ticket.kutxabank.es helbidean, bidaia errazteko gainera Pikupek Bergaratik 15:00etan eta 18:00etan irtengo den autobus zerbitzua antolatu du.
Arrakasta handiko musikala
Azkeneko Gabonetan Bergaran estreinatu eta herrian bezala egun batzuk beranduago Elgetan ere arrakasta handia lortu ostean, gure mugetatik kanpo ikus ahal izan da Bergarako Musika Eskolaren azken musikala, Peter Pan. Bilboko Itsas museoan edo Elorrioko Musikairen ere txalo zaparrada ederra jaso zuen.
Oliver!, Seussen mundua eta Olentzero & Co! musikalak ere Kursaalen eta beste areto handi batzuetan eskaini dituzten moduan, zapatuan Peter Pan txanda izango da.
Saio bikoitz honen ostean, abenduaren 29an, Gasteizko Buesa Arenan ere eskainiko dute Peter Pan musikala. Hurrengo urtean aldiz, urtarrilaren 3an, Iruñeako Baluarten ere taularatuko dute.