San Migel egunean, jaien bukaeran, zeruratu zuten San Migel eta, jada, Angiozarren dago berriz. Bidaia azkarra egin du oraingo honetan; izan ere, irailaren 29an, 20:00etan, zeruratu zuten eta, biharamunean, 07:00etan, aurkitu zuen Aitor Cabodevillak, Nafarroako Tabar herriko soro baten erdian.
Hasieran iruditu zitzaion inguruan parapentean zebilenen bat erorita zegoela, baina, hurbildu ostean, San Migelen irudia ikusi zuen, paparrean mezua eta oraindik bi puxika osorik zituela. Eguerdirako jarri zen angiozartarrekin harremanetan: aurkikuntzaren berri eman zien eta bera etorriko zela ekartzera adierazi.
Pasa den domekan izan zen Aitor Cabodevilla Angiozarren, bere neska lagunarekin batera. San Migel ekarri, 150 euroko saria jaso eta Beheko Tabernan bazkaldu zuten, aurrez herria eta inguruak ezagutu ostean.
Aitor Cabodevilla Tabarreko Irigoien etxekoa da eta Angiozarko Irigoien etxe aurrean argazkia atera zuen bikotekidearekin batera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
