60 pertsonatik gora bildu ziren atzo iluntzean udaletxeko pleno aretoan Erregetxo plazan eraikiko dituzten etxebizitzen zozketan parte hartzeko. Zozketatutako etxe guztiak 2 eta 3 logelatakoak izan ziren eta horietatik 12 babes ofizilaekoak eta 13 tasatuak. Bakoitzetik, baina, elbarrituentzako bat erreserbatzen da eta bi kasutan eskatzaile bana izan zenez, pertsona horiek ez ziren zozketan sartu, zuzenean eskuratu zituzten etxeok.
Eraikin berri hau, lehengo Mariaren Lagundiko eraikina bota zuten tokian eraikiko dira, oraindik ere Udaleko zinegotzi Joseba Moñuxek noizko egongo diren esaterik ez zuela adierazi zuen, baina "printzipioz, urte honen amaieran makinak sartu eta zulatzen hastekoak dira" esan zuen.
Datorren astean, etxebiztza lortu edota itxaron zerrendan geratu zirenek notifikazio bat jasoko dute atzoko zozketaren emaitzen berri izateko.