Erregetxo plazan kokatuko diren etxebizitzen zozketa martitzenean

Erregetxo plazan kokatuko diren babes ofizialeko zein erregimen tasatuko etxebizitzen zozketarako onartuen eta ez onartuen behin behineko zerrendak argitaratu zituen Udalak aurreko astean. Horrela, interesatuek, zein zerrendatan dauden ikusteko aukera dute Udaletxean zein webgunean. Zozketa, martitzenean izango da 19:00tan Udaleko Pleno Aretoan.

2013ko ekainaren 13an emandako Dekretuaren bidez onartutako 24-B areako eta 24C.1 exekuzio unitateko B (2. atarian) eta C-1 partzeletan eraikiko diren babes publikoko erregimen tasatuko 13 etxebizitza eta dagokien garajeen zozketarako aurkeztu direnen zerrenda, onartuak eta ez onartuak bereiztuz argitaratu ziren.

Halaber, 24-B areako B partzelan (3. atarian) eraikiko diren 12 babes ofizialeko etxebizitza eta dagokien garajeen zozketarako aurkeztu direnen zerrenda ere ikusgai dago.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.