Jolas-igerilekuaren eta berdegunearen inguruko datu mordoa batu dute Agorrosinen, behin instalazioak itxita, udako balantzea aurkezteko. 94.473 bisitari izan dituzte aurtengo usa sasoian. Iaz baino 4.000 lagun baino gehiago (sarrerako tornuaren biraketen bidez kontrolatzen da sartu-irten kopurua).
Kontuak aterata, batezbeste, 1.008 sarrera da eguneko kopurua Unai Asurmendi gerenteak zabaldutako datuen arabera. Eguraldiak, noski, eragin zuzena du instalazioen erabilpenean. Uztaileko bigarren eta hirugarren asteak izan dira arrakastatsuenak, nonbait. Hain zuzen, aurtengo uztaila azken hiru urteetako jendetsuena izan da eta abuztua, ordea, bataz beste, azken urteetako baxuena, sarrera aldetik.
Osasun asistentzien berri ere eman dute Agorrosindik. Gertaera larririk ez da jazo, anbulantzia beharrik ez baita egon eta kopurutan, zauri, ebaki zein zorabioei dagokienez, 59 izan dira asistentziak. Bestelako asistentziak 36 izan dira. Araudiaren kontrako ekintzaren bat egitearren 38 espediente ireki dizkiete erabiltzaileei, azkenik.