Hirugarrenez auzoko jaiak antolatu dituzte Espoloian. Festa eguerdian hasi da. Txosna ireki dute auzoko kioskoan, eta laster nagusitu da txorizo usaina. Espoloitxoren jaitsiera ikusi nahi zuten txikienek eta 12:30ean gertatu da. Une horretatik aurrera jolasak izan dira nagusi: marrazketa tailerra, puzgarrien jokoa... Bazkaria ere egin dute auzotarrek.
Arratsalderako mus txapelketa, karaokea, erromeria eta DJ emanaldia dituzte iragarrita.