Bergarako udal brigadako langileak suteak eragindako kalteak garbitzen ikusi ditugu gaur eguerdian Bergarako Alkabieta kalean.
Ertzaintzak jakitera eman duenez sutea 01:45 aldera piztu da. Hasiera batean sugarrak su-itzalgailuarekin amatatzen saiatu badira ere azkenean beharrezkoa izan da suhiltzaileen esku-hartzea.
Kalkulatzen dute plastikozko 30 bat aulkik hartu dutela su. Argitzeke dagoena da sutea bakarrik piztu den edo norbaitek eragindakoa izan den. "Oraingoz ez da eragindako sutea izan dela erakusten duen arrastorik aurkitu", esan dute.
Etxalar taberna itxita egon da gaur goizean.