Asturiaseko taldeen kontzertua, hango dokumentala eta sagardoa izango dituzte, besteak beste, bihar eta etzi. Gaur, berriz, bi taldek joko dute kartzela zaharreko oholtza gainean 23:00etatik aurrera.
Egitarau mardula osatu dute asteburu honetan Bergarako gaztetxean. Gaur, egubakoitza, Jonny Gerriewelt eta Vibradores taldeen kontzertua egongo da. Ondarrutik etorriko da Jonny Gerriwelt eta denbora batez zuzekorik jo gabe egon ostean, Bergarako kartzela zaharraren eszenatokira igoko da gaur gauean. 23:00etan hasiko da kontzertua eta 3 euro da sarrera.
Bihar eta etzi, berriz, Asturias eta Euskal Herria izeneko topaketak egingo dituzte, Ixuxú taldearekin batera. Bihar, Asturiaseko bi taldeen rock kontzertua egongo da, 22:30ean. Domekan, Asturies D.I.Y. ikusentzunezkoa emango dute, solasaldiarekin batera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak