Kafekonpon egitasmoa, etxean baztertutako trasteak berrerabiltzeko

Usoa Agirre 2013ko urr. 2a, 11:43

Udalak martxan jarriko du Kafekonpon izeneko egitasmoa, Europako beste hainbat lekutan Cafe Repair bezala ezagutzen dena oinarri hartuta. Proiektuaren helburua da berrerabilpenaren filosofia zabaltzea. Egitasmo honekin udalak etxean baztertuta dauzkagun traste zahar hori konpontzera eta erabiltzera dei egiten du. Hilean behin elkartuko dira San Joxepeko egoitzan, hileko bigarren martitzenetan (aspaldi ganadu feriak egiten ziren egun berbera). Bertan herriko hainbat "manitas" elkartzeko asmoa dago, hurbiltzen diren gainontzeko herritarrekin batera "traste zaharrei" irteera emateko asmoarekin.

Askotan, etxean dauzkagun tresna txikiak (plantxa, ile-lehorgailua, erlojua…) hondatzen zaizkigu eta berehala bota egiten ditugu. Ez dugu segundu erdi ere ematen hauek konpontzen ahalegintzen. Berria erosi eta zaharra bota. Horri buelta ematera dator Kafekonpon egitasmoa.

Urriaren 8an, lehena

Lehenengo hitzordua datorren martitzenean, urriaren 8an, 16:00tik 18:00ra izango da San Joxepe (jubilatuen) egoitzan.
 
Eraman zure traste zaharra, guztien artean desarmatu eta montatzen ahaleginduko dira. Eta hori guztia kafetxo goxo bat hartuz.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak